»  پەڕەموچ
دیواربەندیی مەحمود دەروێش
بورهان ئەحمەد


ئەوەی شارەزایی لە ئەزموونی شیعری مەحمود دەروێشدا نەبێت، تەنیا بە خوێندنەوەی قەسیدەی ( الجداریە ) دیواربەندی، كە قەسیدەیەكی درێژە، دەروێش لەو كاتەی لە نەخۆشخانە بووەو نەشتەرگەری دڵی بۆ كراوە ئەم قەسیدەیەی نووسیوە، قەسیدەكە لە دووتۆی وڕێنە.. گەشت بۆ دیوەكەی تری ژیان، لە نێو جۆلانێی مردن و ژیاندا نووسراوە، لە راستیدا ئەوە مەحمود دەروێش نییە دەدوێ، ئەوە ئەو نییە قەسیدەكەی نووسیوە، بەڵكو مردنەو دەدوێ، مردنەو شیعری نووسیووە.
تەنیا بە خوێندنەوەی ئەم قەسیدەیە شارەزایی لە تێكرای ئەزموونەكانی پێشتری شیعری مەحمود دەروێش دەبیت . چونكە هەموو ئەزموونەكانی پێشووتری لە دیواربەندیدا بەكار هێناوە .
ئەمە چەند وێنەو كۆپلە شیعرێكی نێو دیواربەندییەكەیەو بەسوپاسەوە بۆ عاشقانی شیعر كوردانوومە .

*********
هیچ شتێك لە دۆخی خۆیدا نامێنێتەوە
لەدایكبوون كاتی خۆی هەیە
مردنیش كاتی خۆی
بێدەنگیش كاتی خۆی ...
هەموو رووبارێك دەریا دەیخواتەوە
دەریاش پڕ نابێت
هەموو زیندوویەك بەرەو مەرگ دەڕوات
مردنیش پڕ نابێت .
*********
تۆ جوانی وەك دوواهەمین چركە سات
لە دوواهەمین تاقیكردنەوەی دوواهەمین تاقیكردنەوەدا .
*********
ئایا لە تووامدایە خەونەكانی خۆم هەڵبژێرم
ئەگەر نا، ئەو خەونانە دەبینم، كە نایەنە دی .
*********
ئێمە دوو خۆشەویستین
هەتاكو مانگ دەنوێ .
*********
دەریا لە من بچووكترە
چۆن هەڵمدەگرێ
دەریا لە من گەورەترە
چۆن هەڵیبگرم
*********
شەهید گەمارۆم دەدات
هەر رۆژێكی نوێ، كە دەژیم
لێم دەپرسێت لە كوێ بووی ؟
*********
بەڵام من،
بەهەموو هۆكارەكان كۆچ پڕ بووم
بۆ خۆم نیم
من بۆ خۆم نیم
بۆ خۆم نیم .

‌ 293 جار بینراوه‌
5/13/2017 11:09:04 AM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved