»  عێراق
سەدر دەزگا راگەیاندنەكانی دەخاتە خزمەتی عەبادییەوە


 بە ئامانجی شكاندنی سیاسی نوری مالیكی، سەرۆكی لیستی دەوڵەتی یاسا، موقتەدا سەدر، سەرۆكی رەوتی سەدر، دەزگا راگەیاندنەكانی سەر بە رەوتەكەی دەكاتە خزمەتی سەركەوتنەكانی حەیدەر عەبادی سەرۆك وەزیران.
سەرچاوەیەكی سیاسی تایبەت بە (هەواڵ)، ئاشكرایكرد:”موقتەدا سەدر دەزگا راگەیاندنەكانی سەر بە رەوتەكەی راسپاردووە كە گرنگی تایبەت بە سەركەوتنەكانی حەیدەر عەبادی بەسەر داعشدا بدەن”، روونیشیكردەوە:”راسپاردەكەی موقتەدا دەزگا سێبەرەكانی رەوتی سەدریش دەگرێتەوە”.
بە وتەی ئەو سەرچاوەیە، ئامانجی موقتەدا سەدر لێدانی سیاسیە لە نوری مالیكی بۆ هەڵبژاردنەكانی داهاتوو، ئاماژەی بەوەشدا:”سەدر لە راسپاردەكەی داوای لە راگەیاندنەكانی رەوتەكەی كردووە، بە شێوەی بەراوردكاری بۆ كاتی داگیركاری و سەركەوتنی ئێستا هێزە چەكدارییەكان كار بكەن”.
هاوكات ئەو سەرچاوەیە، راشیگەیاند:”ئەم هەنگاوەی سەدر لە وەڵامی راگەیاندنەكانی نزیك لە نوری مالیكی دێت، كە ماوەیەك هێرشی بەرفراوانیان بۆ سەر حەیدەر عەبادی دەست پێكردووە”.
 
 
‌ 1005 جار بینراوه‌
7/15/2017 8:37:26 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved