»  عێراق
هۆشداری راگرتنی پشتگیرییەكانی سندوقی دراوی نێودەوڵەتی دەدرێت


 لیژنەی دارایی لە ئەنجومەنی نوێنەران، هۆشداری لە راگرتنی پشتگیرییەكانی سندوقی دراوی نێودەوڵەتی بۆ عێراق و دابەش نەكردنی موچەی دوو مانگی كۆتایی ئەم ساڵ دەدات.
لە كۆنفڕاسێكی رۆژنامەوانی هاوبەشدا؛ ئەندامانی لیژنەی دارایی ئەنجومەنی نوێنەران، رایانگەیاند؛ ئەگەر تا كۆتایی ئەم مانگە بودجەی تەواوكاری نەگاتە ئەنجومەنی نوێنەران، سندوقی دراوی نێودەوڵەتی پشتگیرییەكانی بۆ عێراق رادەگرێت.
ئەم هۆشدارییەی ئەندامانی لیژنەی دارایی ئەنجومەنی نوێنەران، لە كاتێكدایە، تائێستا حكومەت هیچ هەنگاوێكی بۆ رەوانەكردنی بودجەی تەواوكاری ساڵی (2017) بۆ پەرلەمان نییە.
هاوكات ئەندامانی لیژنەی دارایی، ئاشكرایانكرد؛ بەپێی رێككەوتنی نێوان عێراق و سندوقی دراوی نێودەوڵەتی، دەبێت حكومەت لە كاتی خۆیدا یاساكانی تایبەت بە بودجە رەوانەی پەرلەمان بكات و بەپێی یاساش بودجەی تەواوكاری دەبێت پێش هاتنی مانگی ئاب رەوانەی پەرلەمان بكرێت.
ئاماژە بەوەشدرا، لە حاڵەتی دواكەوتنی یاسای بودجەی تەواوكاری و راگرتنی هاوكارییەكانی سندوقی دراوی نێودەوڵەتی، چارەنووسی موچەی دوو مانگی كۆتایی ئەمساڵی موچەخۆران دەكەوێتە مەترسیەوە.
جێی وتنە، پێشتر لیژنەی دارایی راگەیاندبوو، كە بودجەی تەرخانكراو بۆ موچە تەنها بەشی موچەی (10) دەكات و بۆ دابینكردنی موچە دوو مانگی كۆتایی ساڵ، دەبێت یاسای بودجەی تەواوكاری دابنرێت..
 
‌ 576 جار بینراوه‌
7/22/2017 10:11:59 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved