»  کوردستان
پەكەكە: تێكۆشانی مام جەلال تەنها بۆ باشوری كوردستان نەبوو، بەڵكو بۆ ئازادی تەواوی چوارپارچەی كوردستان بوو


بەبۆنەی كۆچی دوایی سەركردەی گەورەی گەلەكەمان هەڤاڵ مام جەلال تاڵەبانی سكرتێكری گشتی یەكێتییەوە، كۆمیتەی بەڕێوەبەریی پەكەكە ڕاگەیەندراوێكی بڵاوكردەوەو سەرەخۆشی لە گەلی كورد كرد.

لە راگەیەندراوەكەی پەكەكە-دا هاتووە:"ئێمە كۆچی دوایی دامەزرێنەری یەكێتی كە بۆ ئازادی گەلی كورد تێكۆشانێكی زۆری كرد خەمبارییەوە دەبینین، سەرەخۆشی لە بنەماڵەكەی و ئەندام و لایەنگرانی یەكێتی و هەموو گەلەكەمان دەكەین".

پەكەكە ڕایدەگەیەنێت:"مام جەلال تەمەنی گەنجی خۆی بۆ ئازادی گەلی كوردو یەكێتی كوردان بەڕێكرد، بۆ ئازادكردنی باشوری كوردستان و دەستكەوتەكان ڕۆڵێكی گرنگی گێڕا، بۆ ئازادی چوارپارچەی كوردستانیش ڕۆڵی گرنگی گێڕا، تێكۆشانی مام جەلال تەنها بۆ باشوری كوردستان نەبوو، بەڵكو بۆ ئازادی تەواوی چوارپارچەی كوردستان بوو".

كۆمیتەی بەڕێوەبەری پەكەكە ڕاشیگەیاند:"مام جەلال دوستێكی گرنگی ڕێبەر ئاپۆ و تەڤگەری ئازادیمان بوو، هەتا دوایین هەناسەی وەكوو دۆستێكی ڕێبەر ئاپۆ و پەكەكە مایەوە، بە ئاگاییەوە گرینگییەكی مەزنی بە دۆستایەتی و پەیوەندییەكانی لەگەڵ پەكەكە لە پێناو باشووری كوردستان و تێكۆشانی ئازادی كوردستان دەدا، پەكەكەش هەموو كاتێك پەیوەندیگرتن لەگەڵ ئەو كەسایەتی و تەڤگەر سیاسییەی كە لە مەكتەبی جەلال تاڵەبانییەوە هاتوون لە بەرژەوەندی گەلی كوردستان دا بینیوە، دۆستایەتی نێوان مام جەلال و ڕێبەر ئاپۆ، بنا‌غەی پەیوەندییەكانی نێوان پەكەكە و یەكێتی هەموو كاتێك لە سەر ئەساسی بەرژەوەندی نەتەوەیی داناوە".

هەر لەو پەیامەی پەكەكەدا هاتووە: مام جەلالی كوردان بە تێكۆشانی خۆی سودێكی گرنگی دایە كارەكتەری نەتەوەیی كورد، بۆ خاوەندەركەوتن لە ڕێبازی مام جەلال و داواخوازی هەرچوارپارچەی كوردستان، یەكدەنگی گەلی كورد زۆر گرنگە، پەكەكەش خەباتی زۆری لەو پێناوەدا كردووەو بەردەوامیشی پێدەدات، ئەركە لەسەر شانی هەر چوارپارچەی كوردستانیش لەو پێناوەدا خەبات بكات.

پەكەكە لە كۆتاییدا داوا دەكات، كە بۆ سەرەخۆشیكردن و مەراسیمی بەخاكسپاردنی مام جەلال هەموو گەلی كورد بەشداری بكات، یان لە هەمووشوێنێك بۆ تێكۆشانی مام جەلال مەراسیم بەڕێوەببەن.

‌ 912 جار بینراوه‌
10/4/2017 12:07:08 PM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved