»  کوردستان
پاسەوانێكی گومركی كەڵوڕ بەچەقۆ شوفێرێكی بارهەڵگر بریندار دەكات
 رەوان تاڵیب



 لە گومرگی كەڵوڕی باكوری كەركوك پاسەوانێك بە چەقۆ هێرشدەكاتە سەر شۆفێرێكی بار هەڵگرو برینداری دەكات و دادگاش فەرمانی دەستگیركردن بۆ تۆمەتبارەكە دەردەكات. 
لەوبارەیەوە ئەحمەد رەشید، شوفێری ئۆتۆمبێلە بار هەڵگرەكە بۆ (هەواڵ)، وتی:”رۆژانە بەو بازگەیە تێدەپەڕم و ئەو بارەی دەیانهێنمە نێو شاری كەركوكەوە قەپان دەكرێت، بەڵام لە 28/9/2017 لە لایەن یەكێك لە پاسەوانەكانەوە بە شێوەیەكی ناشرین مامەڵەم لەگەڵ كراو لە دوای دەمەقاڵێش بەچەقۆ هێرشیكردە سەرم و برینداری كردم”. ئەوەشیخستەڕوو:” هێرشكردنە سەرم لە كاتێكدا بوو سەرجەم رێكارە یاسایەكانم تەواو بوون و نوسراوی پارێزگاو مەنەفێستی بارەكەشم پێبوو”.
ئەحمەد رەشید، ئاماژەی بۆ ئەوەشكرد:”سكاڵای یاسایم تۆمار كردووە لەسەر ئەو كەسەی بە چەقۆ هێرشی كردەسەرم، بەڵام تاوەكو ئێستا وەڵامم نەدراوەتەوە”.
سەبارەت بە رووداوەكە، عەقید بێستون قەفاری، بەڕێوەبەری بنكەی پۆلیسی پردێ‌ بە هەواڵی رایگەیاند:”سكاڵامان لە ئەحمەد رەشید وەرگرتووەو لێكۆڵینەوەمان لە رووداوەكە كردووە”، وتیشی:”لە ئێستادا دادگا فەرمانی دەستگیركردنی بۆ ئەو تۆمەتبارە دەركردووە”.
عەقید بێستون، ئاماژەی بۆ ئەوەشكرد:”كێشەكە لەوەدایە ئەو كەسانەی لەوێ كاردەكەن و بە گرێبەستن و دامەزراندنی رەسمی نین، بۆیە تاوەكو ئێستا شوێنی نیشتەجێبونی تۆمەتبارەكە نەدۆزراوەتەوە”، روونیشیكردەوە:”ئەو گومركە لە كاتی دروستبوونیەوە چەندین كێشەو گرفتیان ناوەتەوە”.



 

 



 

‌ 180 جار بینراوه‌
10/7/2017 10:58:47 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved