»  ناوچەیی
مایكل رۆبن: بەپێی یاسای ئەمریكا، توركیا لە لیستی وڵاتانی هاریكاری تیرۆرەو (90%) بەرپرسیارە لە بەهێزكردنی داعش



توێژەرێكی ناوداری ئەمریكی دەڵێت بە پێی یاساكانی ئەمریكا حكومەتی توركیا لە لیستی وڵاتانی هاریكاری تیرۆرە. 
مایكل رۆبن، توێژەرو سیاسەتمەداری ئەمریكا لە چاوپێكەوتنێكیدا لەگەڵ تەلەفزیۆنی (دی ئێم سی)ـی میسڕی رایگەیاند:” ئەگەر پێداچوونەوە بە یاسای ئەمریكا بكەین، دەبێ توركیا بخرێتە نێو لیستی ئەو وڵاتانەی پاڵپشتی لە تیرۆر دەكەن”، ئاماژەی بەوەشكردووە:” زۆرترین رۆژنامەنووسان لەسەر ئازادی رادەبڕین لە وڵاتی توركیا دەستگیر دەكرێن”.
رۆبن راشیگەیاندووە:” وڵاتانی هاوپەیمانی ناتۆ هیچ میكانیزمێكیان بۆ دەركردنی توركیا لە هاوپەیمانێتییەكە نییە”.
وتیشی:” ئەمریكا دەیەوێت لەیەك كاتدا هاوكاری هەردوو وڵاتی قەتەر و توركیا بكات و رووبەڕووی تیرۆریش بێتەوە، ئەمەش هاوكێشەیەكی هەڵەیە ، چونكە توركیا بە رێژەی (90%) بەرپرسیارە لە بەهێزكردنی داعش.

‌ 881 جار بینراوه‌
10/7/2017 11:02:08 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved