»  شۆک
با هەموومان ناومان ( توانا ) بێت
ساكار بەختیار


لەم رۆژگارەدا وەك دەڵێن سەختترین شتێك كە پێی بگەین ئاسوودەیی و ئۆقرەگرتنە تاڕادەیەك وایە رەنگە زۆریش سەخت بێت بەڵام ئەستەم نییە 
ئەو هەموو گلەیی و گازندەیەی گەنجانی وڵاتەكەم دەیكەن ماف بەوانە، بەڵام ئێمە دەبێت شتێكمان بیربێت ژیانی تاكەكەسی خۆمان لە پێش ژیانی سیاسی و ئاڵۆزییەكانی وڵاتەوەیە. خۆگونجاندن لەگەڵ ئەم بارودۆخە تا رادەیەك هەم بیروباوەڕێكی بە هێز و هەم كاتی دەوێت.. لەم كاتەدا نابێت هەموو شتێك بدەینە دەستی بارودۆخەوە و دابنیشین و پەستی خۆمان بخۆینەوە، رەنگە ئەم كاتە سەختانە چەند ساڵێك لە تەمەنمان بەرێت چەند ئامانجمان لاواز و دڵمان بێ هیوا بكات، بەڵام دژوارتر لەم بارودۆخە خۆبەدەستەوەدانە.
هەمیشە بەو هیوایەم گەنجەكانمان زیاتر هۆشیابن سەبارەت بە یارییەكانی سیاسەت نەكەونە نێو گێژەڵووكەی ئەو رێگا نادیارەوە شتێك كە پەیوەندی بە خوودی ژیانی ئێمەوە نەبێت هێندە بە قووڵی تەداخلی نەكەین هەم ژیان و هەم بیركردنەوە و بەرنامەكانمان پارێزراو دەبێت، ئەمە پێی ناڵێن نامەردی یا خۆدزینەوە بەڵكو ئەو شتەی كە بە ئێمە هیچ شتێكی لێ ناگۆڕێت بە تایبەت لەم دۆخەی ئێستادا پەیوەستی خۆمانی نەكەین باشترە.. ئامانجم لەم دەربڕینانە بە هیوابوونی گەنجەكانمان و دەست هەڵنەگرتنیان لە خەون و ئامانجەكانیان، بەڵام پێویستە پشو درێژتربین. زۆربەی كات باشترین كارەكان لە سەختترین كاتدا ئەنجامدراون مرۆڤی راستەقینە پێوێستە لە كاتە سەختەكاندا زیاتر بە هیوا و بە ئاگابێت ئەگینا هیوای كاتی شادی سوودێكی ئەو تۆی پێ ناگەیەنێت كە بیركردنەوەیەكی سەركێشیانەی لا دروست بكات. 
پێشتر و ئێستاش هەمیشە هیوام بەوە خواستووە گەنجەكانمان چیتر خۆیان بە كاری بێ ئەنجام و گاڵتە و گەپی شەو و رۆژ سەرقاڵ نەكەن، بەلانی كەم خاوەنی بەرنامە داڕێژەری ژیانی خۆیان بن ..

‌ 1246 جار بینراوه‌
10/28/2017 9:10:09 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved