»  وەرزش
ئەمڕۆ خولی (نەجات عیزەت) بۆ تازە پێگەیشتووان دەستپێدەكات


 بەسەرپەرشتی بەڕێوەبەرایەتی چالاكی وەرزشی قوتابخانەكانی كەركوك،ئەمڕۆ لە یاریگای چالاكی وەرزشی قوتابخانەكان خولی تۆپی پێی خوالێخۆشبوو(نەجات عیزەت) بۆ تازە پێگەیشتووانی یانەو فێرگەكانی كەركوك دەستپێدەكات.
سەبارەت بە خولەكە سەباح محەمەد سەرپەرشتیاری خولەكە بۆ (هەواڵ) وتی: “ ئامانجمان لە خولەكە وەكو پەروەردەی كەركوك سوود وەرگرتنە لەو تووانایانەی كە لە ریزی ئەو فێرگانە هەن  كە بە شێوەیەك لە شێوەكان نەتوانراوە لە قوتابخانەكان و یانەكان سودیان لێ ببینرێت”، ئاماژەی بەوەشكرد:” ڕەخساندنی دەرفەتێكی زیاترە بۆ یاریزانانی لاوی كەركوك و  بەهێزكردنی هەڵبژاردەی پەروەردەی كەركوك “.
وتیشی:” سازكردنی خولەكە وەكو رێزێك بۆ رۆڵی خواڵێخۆشبوو نەجات عیزەت راهێنەری بەناوبانگی شاری كەركوك  .
جێی باسە، خولەكە بۆ لە دایكبووانی ساڵی 2000بەرەوسەرەوەیە و 12 تیپ بەشداری تێدا دەكەن كە 3یان تیپی فێرگەكانی كەركوكن و 6یان تیپی یانەكان و 4 ی تریان تیپی میللین و  دابەشكراوەنەتە سەر دوو گرووپ و یاریەكانیش بە شێوازی خول لە یەك قۆناغدا بەڕێوەدەچن. 

‌ 951 جار بینراوه‌
11/25/2017 9:46:34 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved