»  هەمەڕەنگ
سنوقێكی تەمەن 1000 ساڵە نهێنیەكانی بوودا ئاشكرا دەكـات


بەر لە نزیكەی هەزار ساڵ هەردوو كاهینی ئایینی یۆنجیانگ و چیمینیگ لە پەرستگای ماجوری ماوەی بیست ساڵ ئێسك و پروسكی بوودایان لە دەوروبەری دەریای هیندی كۆكردۆتەوە بۆ ئەوەی لە پەرستگایەكی چینی لە سنووقێكدا بە پارێزراوی بیشارنەوە، ئێستا ئەو روفاتە دۆزراوەتەوە زۆربەی بەڵگەكان پشتراستی دەكەنەوە كە ئەوە روفاتی فەیلەسوفی رۆحی بوودا بێت، وەك دەڵێن ئەو (200) پارچە ئێسكە پەیكەرە سوتاوەی كە دۆزراوەتەوە دەگەڕێتەوە بۆ “گۆتاما بوودا” كە دواتر بۆچوونە فیكریەكانی بوونە بنەمای ئایینی بوودایی.
ئەو ئێسكو پروسكانە لە سنووقێكی سیرامیكیدا لە هەرێمی چینگشۆنی چینی و لە ئەشكەوتێكی دوورە دەستدا دۆزراونەتەوە لەگەڵ (260) پەیكەری هەمەجۆر كە گەورەترینیان بەرزییەكەی دوو مەتر دەبێت دەڵێن دەگەرێتەوە بۆ بوودا كە بەر لە (2550) كۆچی دوایی كردووە.
بەم دواییە زانایانی مێژوو هەندێك لەو كۆدانەیان وەرگێراوەتەوە سەر زمانی نووسین ئاشكرایدەكەن كە روفاتی بوودا بە تەواوەتی نەسووتێنراوە بەڵكو دابەشكراوەتە سەر دە تیرەی دەروێشانی و مەبەست لەو پارچەپارچەكردنەی تەرمی بووداش ئەوەبووە شەڕنەكەوێتە نێوان رێبازە جیاجیاكانی شوێنكەوتووان و دەروێشەكانی. 
ئەو بەڵگەنانەی زیاتر ئەم پرۆسەیەی كاهینەكان پشتراستدەكەنەوە لەپاڵ پەیكەرەكەی بوودا چەندین هەڵكۆڵراوەی بەردین هەن كە دەگەڕێنەوە بۆ نەژادی وی (534 ــ386) پ ز، چونكە ئەوان سەرسەختترین هۆگری بیروباوەڕی بوودایی بوون.

‌ 915 جار بینراوه‌
11/25/2017 10:14:11 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved