»  باران
گەرمیان.. توندوتیژیەكانی دژ بە ژنان زیادیكردووە




لە كۆنفڕانسێكی رۆژنامەوانیدا بەڕێوەبەرایەتی بەرەنگاربوونەوەی توندوتیژیی دژ بە ژنانی گەرمیان ئاماری دە مانگی یەكەمی ئەمساڵی راگەیاند و بەپێی ئامارەكە، بەراوەرد 10 مانگی یەكەمی ساڵی رابردوو توندوتیژیەكان دژ بە ژنان  زیادیان كردووە.
رۆژی 26/11/2017 و لە یادی هەفتەی بەرەنگاربوونەوەی توندوتیژی دژی ژناندا، لەمیعە محەمەد بەڕێوەبەری بەرەنگاربونەوەی توندوتیژیی دژ بە ژنان، لە كۆنفراسێكدا رایگەیاند: لەم 10 مانگەدا هیچ ژنێك نەكوژراوە، بەڵام دوو ژن خۆیان كوشتووە.
دەربارەی سوتان و خۆ سوتاندنیش، لەمیعە محەمەد رایگەیاند: 11 ژن سوتاون و هەشتیان لەژیاندا ماون و سیانیان گیانیان لەدەستداوە، هەروەها هەشت ژن خۆیان سوتاندووە و چواریان گیانیان لەدەستداوە.
راشیگەیاند: لەو 10 مانگەدا 741 سكاڵا لە لایەن ژنانەوە تۆماركراون و نۆ حاڵەتی دەستدرێژیی سێكسی بۆ سەر ژنان هەبووە، 771 كەیسی تایبەت بە توندوتیژیی دژ بە ژنان لەماوەی ئەم 10 مانگەدا لە بەڕێوەبەرایەتییەكەمان هەبووە.
لەمیعە ئاماژەی بۆ ئەوەشكرد، ئامارەكانی ئەمساڵ بە بەراورد بە 10 مانگی یەكەمی ساڵی رابردوو جگە لە خۆكوشتن، كە چوار حاڵەت كەمی كردووە، سەرجەم حاڵەتەكانی سوتان و خۆسوتان و سكاڵا و دەستدرێژیی سێكسی زیادیان كردووە.

‌ 64 جار بینراوه‌
12/2/2017 9:45:03 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved