»  هەمەڕەنگ
ناسا: گەردەلوولێكی زۆر گەورە لەسەر خۆر دەبینرێت



چەند وێنەیەكی نوێ كە ناسا لە نزیكەوە لە رێگەی بنكەی چاودێری ستارگەیی دینامیكای خۆر (SDO)ـەوە دەستی كەوتووە جۆرێكی زۆر نامۆی پلازمای ئاگرین لە شێوەی گەردەلوولێكی لوولپێچخواردوو لەسەر رووبەری خۆر ئاشكرا دەكات كە خێراییەكەی نزیكەی (11200)كم/ كاتژمێرێك دەبێت، ئەم پلازما گڕكانییە پڕە لە هێڵی ناڕێك و لە كاتی تەقینەوەدا هاوشێوەی مار لول وپێچ دەخوات و لێك هەڵدەوەشێتەوە، هاوكات چەندین گێژاوی هەورین لە شێوەی بازنەیی و هێلكەیی بە دەوری خۆیدا دروست دەكات كە توانای راكێشانی (27,9) جار لە زەوی زیاترە. 
ئاژانسی ستارگەیی ناسا روونیشیكردەوە كە ئەو هێڵانەی كە لە شێوەی هەوردان بریتین لە تەنۆلكەی بارگاوی و بەهۆی سیستمێكی فیزیكی سەیرەوە بە دەوری خۆردا پەخشدەكرێن و رۆشنایی دەبەخشن و ئەم وێنە دەگمەنەش لە ناوچەی رەشی بواری موگناتیسی گیراوە كە لە هەموو پارچەكانی تری رووبەری خۆر چالاكترو بە گوڕترە.


‌ 63 جار بینراوه‌
12/2/2017 9:51:31 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved