»  هەمەڕەنگ
رزگار حەمە رەوف لە هەورامان (كابان) كلێپ دەكات


          

هونەرمەندی میوزیك ژەن، رزگار حەمە رەئوف، لە نوێترین كاریدا، پارچە میوزكی كابان بەرهەمدەهێنێت، كە بە سپۆنسەری خاك تیڤی كلێپ دەكرێت.
رزگار حەمە رەئوف، لە لێدوانێكیدا بۆ دوا لاپەڕەی (هەواڵ)، رایگەیاند:”میوزیكی (كابان)، تازەترین بەرهەمی میوزیكیی منە كە گۆرانیەكی فۆلكلۆری مامۆستا كەریم كابانی كۆچكردووەو لە ساڵانی هە شتاكاندا وتوێتی”، وتیشی:”لە ئێستادا كاری دابەشكردنێكی نوێم بۆ ئەو بەرهەمە كردوە و بە سوپاسەوە كەناڵە جوانەكەی خاك تیڤی ئەركی ئەم كلیپەیان گرتە ئەستۆ”.
بەوتەی ئەو هونەرمەندە، كاری كلیپكردنی بەرهەمی كابان ، لە سروشتە جوان و پایزیەكەی ناوچەی هەورامان وێنەی بۆ گیراوە لە لایەن سیروان كەریمەوە، هاوكات راشیگەیاند:”كاری دەرهێنانی بەرهەمەكە لەلایەن هونەرمەند شادمان محەمەدەوە كاری بۆ كراوە و كاری مۆنتاژیش هەرێم نوری بۆی ئەنجمداوە”.
هونەرمەند رزگار حەمە رەئوف، ئاماژەی بۆ ئەوەشكرد:”لە ئێستادا بەرهەمەكە لە كاری مۆنتاژدایە و لە كاتێكی نزیكدا لەسەرجەم كەناڵەكان بڵاو دەبێتەوە “، وتیشی:”ئەم بەرهەمە پێشكەشە بە رۆحە جوان و پڕ لە هەستەكەی مامۆستا كەریم كابان”.



‌ 354 جار بینراوه‌
12/2/2017 9:51:55 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved