»  پەڕەموچ
سەمای رووتەمەنی وەزیری رۆشنبیری ئیسرائیل تووڕە دەكات



 
میری ریژێف ژنە وەزیری رۆشنبیری ئیسرائیلی رێگە نادات بەهیچ شێوەیەك خەرجی بۆ فێستڤاڵی سەمای نێودەوڵەتی قودس بنێرێت بە پاساوی ئەوەی زۆربەی بەشداربووان لە چالاكییەكانی ئەو فێستڤاڵە بە رووتی یان نیمچە رووتی ئەنجامدەدرێت كە ئەمە لە رووی نەریتییەوە بەئاكارێكی ناشرین و دزێ و هاوكات نامڕۆیانەلە قەڵەم دەدرێت و جۆرێكە لە لەشفرۆشی دەمامكدراو بە هونەری سەماوە.
بەپێی رۆژنامەی (گاردیان)ـی بەریتانی بەو هۆیەوە ناكۆكی گەورە كەوتۆتە نێوان رێكخەرانی فێستڤاڵەكەو وەزارەتی رۆشنبیریی ئیسرائیلەوە، چونكە رێگە نادرێت بە هیچ شێوەیەك چالاكی هونەری بە رووتی ئەنجامبدرێت، كارمەندانی وەزارەتی رۆشنبیری وڵاتەكە رێكخەرانی یەكێك لە گەورەترین رێكخەرانی چالاكیەكانیان ئاگادار كردۆتەوە نابێت بە هیچ شێوەیەك بەناوی كاری هونەریەوە لە نەریتی كۆمەڵایەتی لابدەن و بە رووتی یان نیوچە رووتی سەمابكەن یان جووڵەكانیان ببێتەهۆی ورووژاندنی سێكسی، چونكە ئەو ئاكارە كاریگەری نابەجێ بەسەر وڵاتەكەوە جێ دەهێلێت. 
لەبەرامبەردا زۆربەی سەماكەران پەرچەكرداری خۆیان لە رێگەی راگەیاندنەكانەوە دەبڕی، هەردوو بەشداربوو ئێدی شێڵدن و نیەر فیدان كە دوو هونەرمەندی سەماكەرەی هاورەگەزبازن، ئەم هەڵسوكەوتەی وەزارەتەكە رەخنە دەكەن و لەو بارەیەوە وتیان” وەزارەتی رۆشنبیری ئێستا بە زۆری جومگەكانیەوە بەدەستی سیاسیە نەریت پارێزەكانەوەیە بۆیە سەربەخۆو بێ گەڕانەوە بە سەرووی خۆیان بڕیاری لەو شێوەیە وەردەگرن، بۆیە دەكارن رووبەری ئازادی تاك ببنەوەو و ئاكاری كۆمەڵایەتی بەرتەسكتر بكەنەوە” ئاماژەیان بەوەشدا بەوەی رووتەمەنی لە سەماكردندا ئەمڕۆ لە هەموو جیهاندا باوە، بەڵام وەزارەتی رۆشنبیری و دەسەلاتی ئیسرائیل بە پێچەوانەی هەموو جیهان دەیەوێت بەو پاساوانە وڵات بەرەو دواوە ببات جا ئەگەر بە هەنگاوێكیش بێت لە ئێستادا. 
رێكخەرانی فێستڤاڵەكە كە گەورەترین رێكخەری فیستڤاڵی سەمای جیهانی لە زۆربەی وڵاتانی جیهانەوە بانگهێشت دەكەن، نیشانەی تایبەت دەخەنە سەر ئەو چالاكییانەی نیوچە رووتن و هئاماژەیان بەوەشداوە پێویستییان بە پاڵپشتی دارایی وەزارەتی رۆشنبیری یان شارەوانی قودس نابێت، بەلام دەكرێت رەزامەندی لەسەر ئەنجامدانی فیستڤاڵەكە دەڕبرن. 
جێی باسە لەماوەی ساڵێكدا ئەمە جاری سێیەمە فیستڤاڵە هونەرییەكان لە ئیسرائیل دووچاری ئەم جۆرە هەڵوێستە ببنەوە، وەزارەتی رۆشنبیری ئیسرائیل پێشتر بەهۆی روتەمەنیەو هێرشی توندی كردۆتە سەر رێكخەرانی هەردوو فێستڤاڵی “هاوینی ئیسرائیل، كیرتنز ئاب” كە بە وتەی خۆیان تایبەت بوونە بە سەمای گەرم و نانەریتی و دوور لە ئاكاری هونەری بەپێز.



‌ 1051 جار بینراوه‌
12/9/2017 9:29:46 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved