»  وەرزش
كەمال فایەق : دۆخی تۆپی دەسـت لــە كـەركوك زۆر خــراپە




تۆپی دەست یەكێك لە یارییە بە كۆمەڵەكان و پێش دەیەیە ك لە  كەركوك ئەو یارییە بناغەیەكی باشی هەبوو، بەڵام ماوەی چەند ساڵێكە یارییەكە تا رادەیەك بوونی نەماوە، ناوبژیوانێكی نێودەوڵەتییش دۆخی تۆپی دەستی كەركوك بە زۆر خراپ ناو زەند دەكات.
كەمال فایەق، ناوبژیوانی نێو دەوڵەتی تۆپی دەست، لە لێدوانێكیدا بۆ لاپەڕەی وەرزشی (هەواڵ)، رایگەیاند:”تۆپی دەست پێش دەیەیەك بناغەیەكی پتەوی هەبوو، بەڵام لەم ساڵانەی رابردوودا رۆژ بەرۆژ بەرەو خراپتر دەچێت “، روونشیكردەوە:”چەندین هۆكار هەن بۆ خراپبوونی ئاستی تۆپی دەست لە كركوك”.
ئەو ناوبژیوانە نێو دەوڵەتیەی تۆپی دەست، سەبارەت بەهۆكارەكان، باسی لەوەكرد:”فەرامۆشكردنی یەكێتی تۆپی دەستی كەركوك لە لایەن یەكێتی ناوەندییەوە و تەرخان نەكردنی بودجە بۆی، هەروەها وتیشی:”ساز نەكردنی پاڵەوانێتیە ناوخۆییەكان بە تایبەتی بۆ ئاستی  تەمەنە بچووكەكان و فەرامۆشكردنیان هۆكارێكی دیكەیە”.
كەماڵ فایەق، راشیگەیاند:”كەمی راهێنەران  و بایەخ نەدان بە وەرزشی قوتابخانەكان و نەبوونی پلانێكی تەندروست بۆ بەڕێوەبردنی یارییەكە و  نوێنەرایەتی نەكردنی وەرزشكارانی تایبەمەندی یارییەكە لە بەڕێوەبردنی یەكێتی یارییەكە سەرجەمیان هۆكارن بۆ خراپی دۆخی خراپی یاری تۆپی دەست”.
كەمال فایەق، ئاماژەی بۆ ئەوەشكرد:”گەر بمانەوێت یارییەكە ببوژێنینەوە جگە لە چارەسەركردنی خاڵەكانی سەرەوە دەبێت بایەخیش بە دامەزراوەكانی بدەین وەكو یاریگا و هۆڵی داخراو”. 

‌ 1130 جار بینراوه‌
12/9/2017 9:37:56 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved