»  کوردستان
پەرلەمانتارێك: ئاشتی هەورامی دەڵاڵی نەوتە نەك وەزیری نەوت
 رەوان تاڵیب



 ئەندامێكی پەرلەمانی كوردستان، ئاشتی هەورامی بە دەڵاڵی نەوت دەزانێت نەك وەزیری نەوت، دەشڵێت:” ئەو نەهامەتیەی هاتۆتە كایەوە دەرئەنجامی هەڵەی سیاسەتی نەوتیی كوردستانە”.
سالار مەحمود، ئەندامی فراكسیۆنی سەوز لە پەرلەمانی كوردستان، لە لێدوانێكیدا بۆ (هەواڵ) رایگەیاند:”ئاشتی هەورامی وەزیری سامانە سروشتیەكان و نەوت نییە،  بەڵكو دەڵاڵی نەوتە”، ئەوەشیخستەڕوو:” لە دوای تەنها رۆژێك هاتنەوەی بۆ كوردستان، كێڵگەی نەوتی شێخانی رادەستی كۆمپانیایەكی بیانی كردووە، ئەوەش لەبری قەرز و لە ئێستادا دیسان چۆتەوە دەرەوەی وڵات”.
بەوتەی ئەو ئەندامەی پەرلەمانی كوردستان، لە هەوڵ و فشارەكان بەردەوامن بۆ ئەوەی ئاشتی هەورامی پەلكێشی پەرلەمان بكرێت و ئەو دەیان پرسیارەی لەسەری هەیە وەڵامی بۆیان هەبێت.
 باسی لەوەشكرد:” دیارە كوردستان شوێنێكی ئەمین نەماوە بۆ ئاشتی هەورامی و ئێمە متمانەمان پێی نەماوە لەپەرلەمان و دەبێت بەرێكاری یاسایی متمانەی لێ وەربگیرێتەوەو رێكاری یاسایی دیكەشی بەرانبەر بگیرێتەبەر”، راشیگەیاند:”ئەو نەهامەتیەی هاتە كایەوە لە دەرئەنجامی هەڵەی سیاسەتی نەوتی كوردستانەوە بوو، هەروەها بارودۆخی سیاسی هەرێمیش پەیوەستە بە هەڵەی سیاسەتی نەوتییەوە كە ئاشتی هەورامی بە پلەی یەكەم لێی بەرپرسیارە، چونكە وەزیرەی سامانە سروشتیەكانە”.
سالار مەحمود، ئاماژەی بۆ ئەوەشكرد:” ئاشتی هەورامی داواكراوە بێتە پەرلەمانی كوردستان، بەڵام حكومەت رازی نەبووە، بەمەش پرسەكە قورستر دەكەوێت لە سەریان”.
ئەو پەرلەمانتارە ئاشكراشیكرد:” ئەگەر هەورامی رازی نەبێت بێتە پەرلەمان، ئەوە دەبێت ئەنجومەنی نەوت و گاز خۆیان بێنە بەردەم پەرلەمان”.


 

‌ 960 جار بینراوه‌
12/16/2017 9:50:31 AM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved