»  هەمەڕەنگ
بەهۆی وێنەكەیەوە شاجوانی عێراق و خانەوادەكەی شاربەدەركران



شاجوانی عێراق بۆ ساڵی 2017 ناچاركرا بە خۆی و خانەوادەكەیەوە وڵات بەجێ بهێڵێت چونكە وێنەیەكی لەگەل شاجوانی ئیسرائیل گرتووەو لەماڵپەڕەكان بڵاویكردۆتەوە. 
رۆژنامەی “ئەندبندنت”ـی بەریتانی ئاماژەی پێداوە سارە عێدان شاجوانی عێراق بۆ ساڵی 2017 بەهۆی گرتنی وێنەیەكەوە لەگەڵ ئادار جاندڵزمان كاندیدی ئیسرائیلی لە پێشبركێی شاجوانی جیهان كە لە شاری لاس فیگاسی ئەمریكا لە تشرینی دووەمی رابردوو بەرێوەچوو، لەژێر وێنەكەدا نووسراوە (ئاشتی و خۆشەویستی لەهەردوو شاجوانی عێراق و ئیسرائیلەوە) تووشی هەڕەشە بەكوشتن دێت و ناچاردەكرێت وڵات بەجێ بهێڵێت، دوای چەند رۆژێك لە بڵاوكردنەوەی وێنەكەی سارە، چ بە مۆبایل و چ لە رێگەی پەیوەندیەكانی ترەوە تەشەرو گێچەڵی زۆری پێكراوەو هاوبار بەو هۆیەی لە كاتی پێشبركێكەدا پكینی لەبەركردووە بە لەشفرۆش ناوزەدكراوە.
رۆژنامەكە وتیشی سارە ئێستا بە خۆی و خانەوادەكەیەوە گەیشتوونەتە ئەمریكاو ئەم شاجوانە هەوڵی زۆری داوە باوەڕ بە رەخنەگران و توندڕەوە تاوگیرەكانی وڵاتەكەی بهێنێت كە ئەم وێنەیە سەرەتایەك بێت بۆ بەرقەراركردنی ئاشتی لە نێوان پێكهاتەكانی ناوچەكە بەڵام هەوڵەكەی بێهوودە بووە. 
جێی باسە عێراق دوای (45) ساڵ دابران ئەمساڵ بۆ یەكەمجارە بەشداری لە پێشبڕكێی شاجوانی جیهان دەكات ئەویش دوای وەرگرتنەوەی نازناوی شاجوان لە ڤیان سلێمانی بە هۆی هاوسەرگیریكردنییەوە. چونكە هاوسەرگیریكردن لەگەڵ مەرجەكانی هەڵبژاردنی شاجوان ناگونجێت، سارە كاندید كراوەتەوە.

‌ 853 جار بینراوه‌
12/23/2017 10:15:49 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved