»  شۆک
گەنجان پەرەسەندنی دیاردەی نێرگەلەكێشان بۆ نەبونی شوێنی كاتبەسەربردن و دەسبەتاڵی دەگەڕێننەوە
ئا/ هۆشیار جەمال

نێرگەلەكێشان یەكێكە لەو دیاردانەی لە ئێستادا بە تەواوی لە زۆربەی شارو شارۆچكەكانی كوردستان بووە بە دیاردەو رۆژانە سەرەڕای زۆری زیانە تەندروستیەكانی گەنجان لە كافتریاكاندا كاتەكانیان بەسەردەبەن، دكۆترێكیش باس لە ژمارەیەك كاریگەری درێژخایەنی مەترسیداری دیاردەدەكە دەكات.

بەهمەن مەحمودی تەمەن 25 ساڵە ودەرچووی زانكۆیەو دانەمەزراوە، بەشیكی زۆری كاتەكانی لە كافتریاكان دەباتەسەر، ئەو بۆ هەواڵ وتی “بەڕای من سەرەكیترین هۆكار بۆ كێشانی نێرگەلە لەلایەن گەنجان، بوونی كاتێكی زۆری بەتاڵ و فەراغێكی زۆر لە ژیانی رۆژانەی هەر گەنجێك دا بەهۆی بێكارییەوە كە گەنج ناچار دەبێت روو بكاتە كافتریاو گازینۆكان بۆ بەڕێ كردنی بەشێك لەكاتەكانی رۆژانەی”.
بەهمەن نەبوونی چەند شوێنێكی حەوانەوە و پشوودان و كات بەسەربردن لە شار و شارۆچكەكاندا بۆ نموونە باخچەو پاركێكی وا كە گەنج رووی تێ بكات، بە هۆكارێكی دیكەی رووكردنی گەنجان بۆ كافتریاكان و نێرگەلەكێشان، دادەنێت. 
سەبارەت بە هۆكارەكانی دیكەش ئەو گەنجە دەستبەتاڵە وتی “یەكێكی تر لەو هۆكارانەی گەنج ناچار دەكات كە بچێتە كافێ و گازینۆكان ئەو بێ سەر و بەری و بێ بەرنامەییە كە لە میدیاو tv كوردیدا دەبینرێت گەر سەرنج بدەینە كەناڵە ئاسمانی و ناوخۆییە كوردیەكان دەبینین لەوپەڕی بێ بەرنامەیی و دووبارەیی دان، سەرباری زۆری ژمارەی tvەكان بەڵام tvەكی جیاواز بەدی ناكەیت لە ناویاندا سەرلەبەریان هەمان ستایل و هەمان شێوازن بەگشتی سیمایەكی هەواڵی و سیاسی دەم و چاوی tvە كوردیەكانی گرتووەتەوە، ئەمەش وادەكات گەنج بێزار بێت لە تەماشاكردنیان و هەوڵ دەدات بچێتە دەرەوە بۆ بەسەربردنی كاتەكانی رۆژانەی”.
خاوەن كافتریا دەڵێت سەرباری قەیرانی دارایی، بەڵام هەر خواست لەسەر نێرگە زۆرە لەلایەن گەنجانەوە.
رێباز مەحمودی خاوەن كافتریا وتی “بە شێكی زۆری ئەو كە سانەی دێنە كافتریاكەوە گەنجانن سەرباری قەیرانی دارایی بەڵام هەر خواست لەسەر نێرگە زۆرە، لەلایەن گەنجانەوە”، وتیشی “گەنج هەیە چونكە هیچ كارێكی نییە بە بەردەوامی و زۆربەی رۆژەكانی لە ناو كافتریاكان بە سەردەبات، بەشیكی تری گەنجانیش نێرگەلەش ناكێشن بە س بێكاری والێكردوە بۆ دانیشنیش بیت زۆربەی كاتەكانی لە كافتریاكان دەبێت”.
دكتۆرێكیش هۆشداری توند لەو بارەی دیاردەكە دەدات و ئاماژە بە چەندین نەخۆشی مەترسیدار دەدات كە بەهۆی نێرگەلەكێشانەوە تووشی مرۆڤ دەبن.
د. ئەیاد حەسەن بە هەواڵی وت “ بەدیاردەبوونی نێرگەلەكێشان كارەساتی زۆری لەدوای و ئەوكەسانەی كە بەردەوامی نێرگەلە دەكێشن توشی چە ندین نە خۆشی دەبن كە گرنگترینیان كاریگەریە كورت خایەنەكانی زیاد بوونی لێدانی دڵ، زیاد بوونی فشاری خوێن. دروستبوونی تەنگە نەفەسی، كەمكردنەوەی توانای وەرزشكردن، تێكچوونی دەنگە ژێكان و سەرئەنجام قورگ”.
ئەو دكتۆرە سەبارەت بە كارییەگەرییە درێژخایەنەكانیشی وتی “ كێشانی نێرگەلە بەبەردەوامی چەندین كاریگەری درێژخایەنیشی هەیە كە بریتین لە لێدانی جەڵدە، سستبوون و گیرانی سیەكان وتەسكبوونەوەی بۆڕی هەوا هەروەها دروسبوونی شێرپەنچەی قورگ و گەدەی سیەكان هەروەها بۆ ئافرەتی دووگیانیش دەبێتە هۆزی زیان بۆ سیەكانی كۆرپەلە كەی و كەمبوونی كێشی”.

‌ 931 جار بینراوه‌
1/13/2018 9:58:16 AM
Print Friendly and PDF
بابەتی زیاتر ...
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved