»  کوردستان
هەر خاوەن موەلیدەیەك پارەی زیاتر وەربگرێت سزا دەدرێت
 رەوان تاڵیب



 هەندێ لە موەلیدە ئەهلییەكان دوور لە رێنماییەكان پارەی زیاتر لە هاوڵاتیانی كەركوك وەردەگرن، لێپرسراوی لیژنەی موەلیدە ئەهلییەكانیش رایدەگەیەنێت:” هاوڵاتیان دەتوانن سكاڵا دژی ئەو خاوەن موەلیدانە تۆماربكەن “. 
عەدنان ئەنوەر، لێپرسراوی لیژنەی موەلیدە ئەهلییەكانی كەركوك، لە لێدوانێكیدا بۆ (هەواڵ)، رایگەیاند:”هەندێك موەلیدەی ئەهلی هەیە كە پارەی شارەوانی بە ئیدارەی كەركوك نادات، بۆیە بەشە گازیان پێنادرێت”، ئەوەشیخستەڕوو:”بەشێك لەو موەلیدانە پارەی زیاتر لە هاوڵاتیان وەردەگرن كە جیاوازە لەو نرخەی مانگانە لە لایەن پارێزگای كەركوك دەستنیشاندەكرێت بۆ خاوەنی موەلیدەكان”.
بەوتەی لێپرسراوی لیژنەی موەلیدە ئەهلییەكانی كەركوك، هەندێك موەلیدەش هەیە كە پێان دەوترێت بازرگانیئەوان زیاتر كار بە موەلیدەكانیان دەكەن و لە ژێر كۆنترۆڵی ئیدارەی كەركوك نین، بۆیە نرخەكان خۆیان دەستنیشانی دەكەن، ئاماژەی بۆ ئەوەشكرد:”پێویستە ئەو خاوەن موەلیدە ئەهلیانەی پارەی زیاتر وەردەگرن لە هاوڵاتیان سزا بدرێن”.
هاوكات عەدنان ئەنوەر، باسی لەوەشكرد:”هاوڵاتیان دەتوانن سكاڵا دژی ئەو خاوەن موەلیدانە تۆماربكەن و تاوەكو لێپرسینەوەیان لەگەڵدا بكرێت”. 

‌ 323 جار بینراوه‌
1/27/2018 8:48:36 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved