»  کوردستان
تەندروستی كەركوك وەرگرتنی پارە لە پێشمەرگە رەتدەكاتەوە
 رەوان تاڵیب



 بە وتەی بەرپرسێكی تەندروستی كەركوك، تائێستاش پارەی پسولە لە پێشمەرگەو كەسوكارەی وەرناگیرێت، راشیدەگەیەنێت:” بەهۆی زۆری خەرجییەكانمانەوە پرۆژەیەكمان هەیە بۆ ئەوەی پارە لە تەواوی هێزە ئەمنییەكان وەربگرین.
دكتۆر بورهان عومەر رەشید، بەڕێوەبەری بەشی تەندروستی گشتی لە فەرمانگەی تەندروستی كەركوك، لە لێدوانێكیدا بۆ (هەواڵ)، رایگەیاند:”ئەو هەواڵانەی باس لەوە دەكەن لە نەخۆشخانەكانی كەركوك پارەی پسولە لە پێشمەرگە و كەسوكاری پێشمەرگە دەسەندرێت دوورن لە راستییەوە”، ئەوەشیخستەڕوو:”پارە جگە لە كەسوكاری پێشمەرگە لە سوپاو حەشدیش وەرناگیرێت بەهەمانشێوەی پێش رووداوەكانی دوای ریفراندۆمەكەی ساڵی رابردوو”.
بەوتەی بەڕێوەبەری بەشی تەندروستی گشتی لە فەرمانگەی تەندروستی كەركوك، لە ئێستادا وەكو فەرمانگەی تەندروستی كەركوك پرۆژەیەكمان هەیە بۆ ئەوەی پارە لەسەرجەم سلكە ئەمنییەكانی وەكو پێشمەرگەو سوپا و حەشد وەربگرین، روونیشیكردەوە:”ئەوەش بەهۆی زۆری خەرجیەكانمانەوەیە، ئەمەش بە هەماهەنگی ئیدارەی كەركوك، بەڵام تاوەكو ئێستا ئەو پرۆژەیەمان پێشكەش نەكردوون”. 
دكتۆر بورهان عومەر، باسی لەوەشكرد:”بەهەمان شێوەی ساڵانی رابردوو پارە لە پێشمەرگەو كەسوكارەكەی وەرناگیرێت، ئەگەر حاڵەتێكی واش هەبوبێت ئەوە توندڕەوی نەتەوەییە”، وتیشی:”هەر كەسێك ئەو كارەی كردبێت پێویستە سكاڵای لەسەر تۆمار بكرێت تاوەكو ئێمە لپێپرسینەوەی پێویستی لەگەڵ ئەنجامبدەین”. 



 

‌ 289 جار بینراوه‌
1/27/2018 8:49:11 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved