»  وەرزش
ئیسماعیل كەمال : بەشدارینەكردنی یانەكانی كەركوك لە خولی كوردستان زیانی بۆ تۆپی پێی شارەكە دەبێت




ئیسماعیل كەمال نوری، یاریزانێكی تری تۆپی پێی یانەی خاكە، بەهۆی بەشدارینەكردنی یانەكانی كەركوك لە خولەكانی كوردستان، لەم وەرزەدا رووی لە یانەی پێنجوێن-ی ركابەر لە خولی پلە دووی كوردستان كردووە، ئیسماعیل پێیوایە بەشدارینەكردنی یانەكانی كەركوك لە خولی كوردستان لە رووی هونەرییەوە زیان بەتۆپی پێی شارەكە دەگەیەنێت.
 

* سەرەتای ئاشنابوونت بە تۆپی پێ دەگەڕێتەوە بۆ كەی و لە كوێ بوو؟
-وەكو سەرجەم یاریزانانی كەركوك، تیپە مللیەكان دەروازەیەك بوون بۆچوونە نێو جیهانی تۆپی پێی و لە ساڵی 2015دا چوومە ریزی تیپی میللی ( بێكەس ) .
* یەكەم یانە یاریت بۆ كرد كێ بوو ؟ 
- ساڵی 2015 لە تیپی تازەپێگەیشتووان و لاوان بوو لە یانەی خاك و دواتریش بۆ تیپی یەكەمی هەمان یانە یاریم كرد . 
* بۆ ئەم وەرزە چوویتە ریزی یانەی پێنجوێن، ئەم هەنگاوەت چۆن بوو ؟ 
- بەشدارینەكردنی یانەكانی كەركوك لە خولەكانی كوردستان لەم وەرزەدا هۆكاری سەرەكی بوون كە لە دەرەوەی شارەكە بەردەوامی بدەم بە یاریی كردن . 
* بەشدارینەكردنی یانەكانی كەركوك تا چەند زیان بە ئاستی تۆپی پێی شارەكە دەگەیەنێت ؟ 
- بێگومان خولەكانی كوردستان تا رادەیەكی باش هۆكار بوون بۆ بەردەوامی و بەرزبوونەی ئاستی تۆپی پێی یانەو یاریزانانی كەركوك، چونكە دەرفەت دەڕەخسا بۆ ركابەری كردن، بەشدارینەكردنی یانەكانی كەركوك لە خولی كوردستان و سستی خولەكانی عێراق زیانی زۆری  بۆ تۆپی پێی كەركوك هەیە بە تایبەتی لە رووی هونەرییەوە . 
* یاریگای تیپە میللیەكان تاچەند گرنگن بۆ یاریزان ؟ 
- دەتوانم بڵێم یاریگای تیپە میللیەكان بە تایبەتی لە كەركوك لە ئێستادا و تا رادەیەكی زۆر بۆشایی ئەنجامنەدانی خولەكانی كوردستانیان پڕكردۆتەوە و بۆنەتە گۆڕەپانێكی بەردەوام بۆ پێشخستنی ئاستی تۆپی پێی كەركوك، جگە لەوەش ئەو ئازادییەی یاریگای تیپە میللیەكان دەیڕەخسێنن بۆ یاریزانان لە یانەكاندا تا رادەیەكی زۆر سنوردارە . 
* یاریكردن لە تیپی میللی یان یانەكان چێژی زیاتری هەیە ؟
- هەردوو شوێن چێژی تایبەتی خۆیان هەیە، وەكو وتیشم بەرپرسیارێتی جیاوازیشیان هەیە، چێژی هەردووكیان بە بۆچوونی خۆم وابەستەی بەرپرسیارێتیانە.



‌ 1004 جار بینراوه‌
1/27/2018 9:03:05 AM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved