»  وەرزش
خولی پاڵاوتنی یانە پلە یەكەكانی كەركوك دەستپیپێكرد


 رۆژی 7/2/2018 یارییەكانی خولی یانە پلە یەكەكانی كەركوك  كە یەكێتی تۆپی پێی كەركوك سەرپەرشتی دەكات  بە ئەنجامدانی یارییەكانی جەولەی دووەم و دورخستنەوەی یانەی گازی باكور لە پاڵاوتنەكان دەستیپێكرد.
سەبارەت بەم گۆڕانكارییانە عەزیز مورشید، جێگری سەرۆكی یەكێتی تۆپی پێی كەركوك بۆ لاپەڕەی وەرزشی (هەواڵ)  وتی:” پێش دەستپێكردنی جەولەی یەكەمی خولەكە لەلایەن یەكێتی تۆپی پێی عێراقەوە بە تەلەفۆن پەیوەندیمان پێوە كرا بە (استسنا‌و) رێزپەڕكردنی  یانەی گازی باكور  لە پاڵاوتنەكانی قۆناغی یەكەمی خولەكە”، ئاماژی بەوەشكرد:” بە پێی وتەی یەكێتی تۆپی پێی عێراق  یانەی گازی باكور یەكێك بووە لەو یانانەی كە پێشتر بڕیاری سەركەوتنی بۆ خولی نایاب بۆ درا بوو، بۆیە ئەم تایبەمەندییەیان بەخشیە یانەكە”.
سەبارەت بە چارەنووسی  یانە سەركەوتووەكان بۆ قۆناغی كۆتایی خولی پلە یەكی عێراق، جێگری سەرۆكی یەكێتی تۆپی پێی كەركوك وتی:” تا ئێستا یەكلا نەبووتەوە ژمارەی یانە سەركەتووەكانی كەركوك دەبنە چەند یانە، بەڵام بە پێی رێنماییەكان بێت تەنها یەك یانە سەردەكەوێت”.
عەزیز مورشید ئەوەشیخستەڕوو:” ئەگەری زۆرە یەكەمی خولەكەو یانەی گازی باكور یارییەكی یەكلا كەرەوە ئەنجامبدەن بۆ دیاریكردنی نوێنەری كەركوك و لە ئێستاشدا  یانەی شۆریجەمان لە شوێنی یانەی گازی باكور لە پاڵاوتنەكان داناوە. “ 
جێ باسە ئەنجامی یارییەكانی جەولەی دووەم بەمشێوەی لای خوارەوە بوون :
خاك × كەیوان 2-سفر
موسەڵا× شۆرجە2-2
سەورە× حەویجە 3-2



‌ 62 جار بینراوه‌
2/10/2018 9:57:00 AM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved