»  وەرزش
یاریزانەكانی كەركوك روو لە شارەكانی دیكە دەكەن


بەشداری نەكردنی یانەكانی كەركوك لە سەرجەم چالاكیەكانی تۆپی پێی ئەم وەرزەی كوردستان هۆكاربوون كە چەند یاریزانێكی شارەكە روو بكەنە یانەكانی تری كوردستان و هۆكارەكەشی بۆ ئەوە دەگەڕێننەوە بۆ ئەوەی ئاستیان دانەبەزێت.
لەو بارەیەوە، دێرین مەحموود كچە یاریزانی یانەی گازی باكور كە ئێستا یاری بۆ یانەی كچانی هەولێر ( فتاە اربیل)  دەكات بۆ لاپەڕەی وەرزشی (هەواڵ) وتی “ هاتووچۆكردنمان بۆ ئەنجامی یارییەكان كاریگەریەكی ئەوتۆی نیە لە سەر ئاستمان، چونكە یارییەكان رۆژانی هەینی ئەنجام دەدرێن “، ئاماژەی بۆئەوەشكرد:” سەرباری بەشداری نەكردنی یانەكەیان لە خولی كوردستان، بەڵام كچە یاریزانەكانیان لە ریزی یانەكانی تری كوردستان یاری دەكەن، ئەمەش هۆكارێكە كە  پارێزگاری لە ئاستی خۆیان بكەن “.
سەبارەت بە چۆنیەتی راهێنانەكانیان  دێرین وتی:” لە كەركوك بەردەوامین لە راهێنان بە سەرپەرشتی مامۆستا قاسم جەمیل و كاپتن ئوسامە، ئەمەش هۆكارێكی گرنگە بۆ پاریزگاریكردن لە ئاستمان”.

‌ 1231 جار بینراوه‌
2/17/2018 10:53:33 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved