»  وەرزش
رووداو و NRT وێنەی فۆتۆگرافەرەكان دەبەن و بە فۆتۆشۆپ ناوەكانیان لادەبەن


یوسف كەركوكی یەكێكە لە فۆتۆگرافەرە وەرزشیەكانی كوردستان و عێراق كە بەزوومی كامێراكەی تووانیویەتی پانتاییەكی فراوان لە چالاكییە وەرزشیەكان رووماڵ بكات بێئەوەی هیچ دەزگایەكی وەرزشی پاڵپشتی دارایی بكات.
یوسف كەركوكی فوتۆگرافەری وەرزشی سەبارەت بە ئەرك و ماندووبونیان ئەو پێشلكارییانەی دەكرێتە سەریان بۆ (هەواڵ) وتی: “ فۆتۆگرافەرە وەرزشیەكانی كوردستان بە گشتی و كەركوك بەتایبەتی  رۆڵی بەرچاویان هەیە لە روماڵكردن و بەخشینی سیمایەكی جوان بە چالاكییە وەرزشییەكان”. “ ئاماژەی بەوەشكرد: “ سەرباری ئەوەی زۆرێكمان بێبەرانبەر ئەو كارە دەكەین كە تەنها خۆشەویستیمانە بۆ كارەكە، بەڵام هەندێجار مافمان دەخورێت وێنەكانمان بڵاودەكەنەوە  تەنانەت بێ ئەوەی ئاماژەش بە ناوەكانمان بدەن “.
یوسف ئەوەشیخستەڕوو:” تا ئێستا چەند جارێك لە لایەن چەند دەزگایەكی ڕاگەیاندنەوە وێنەكانیان بەكارهێناوە بەبێ بەرانبەرو بێئەوەی ئاماژە بەناوەكەشی بكەن، ، بۆ نمونە رووداوی وەرزشی و بەرنامەی بەیانی باشی NRT وێنەی منیان بردووە و تەنانەت بە فۆتۆشۆپ ناوەكەشمیان لەسەری سڕیوەتەوە “.
یوسف كەركوكی وتیشی:” هیوادارم وەكو ئیتیكی رۆژنامەوانی دەزگاكانی ڕاگەیاندن مافمان نەخۆن و  هەر نەبێت لوگۆو ناومان لەسەر وێنەكەنمان لانەبەن”.

‌ 1434 جار بینراوه‌
3/10/2018 10:51:12 AM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved