»  کوردستان
بوونی نەخۆشی كۆلێرا لە كەركوك رەتدەكرێتەوە


بەهۆی كەڵەكە بوونی خۆڵ و خاشاكی زۆر لەناوشاری كەركوك و هەرەسهێنانی ئیدارەی شارەكە لە پاككردنەوەیی، دەنگۆی بوونی نەخۆشی كۆلێرا بڵاو دەبێتەوە، بەڵام بەڕێوەبەری بەشی تەندروستی گشتی لە فەرمانگەی تەندروستی كەركوك، دەڵێت تاوەكو ئێستا هیچ نەخۆشیەكی كولێرا لەشارەكە بوونی نیە. 
دكتۆر بورهان عومەر رەشید، بەڕێوەبەری بەشی تەندروستی گشتی لە فەرمانگەی تەندروستی كەركوك، لە لێدوانێكیدا بۆ (هەواڵ)، رایگەیاند:” لەگەڵ شارەوانی و ئاوو ئاوەڕۆ كۆبوونیتەوە بۆ ئەوەی بەرنامەسازی بكرێت بۆ ئەم وەرزە بەمەبەستی رووبەرووبنەوەی هەر پەتایەك و بەتایبەت نەخۆشی كۆلێرا”، ئەوەشیخستەڕوو:”تیمەكانی تەندروستی لە نێو بازاڕەكاندان بۆ بەدواداچون بۆ خواردن و سەوزەكانی چێشتخانەكان بۆ ئەوەی ئەو كەسانەی سەرپێچی دەكەن سزابدرێن”. 
بەوتەی بەڕێوەبەری بەشی تەندروستی گشتی لە فەرمانگەی تەندروستی كەركوك، لە ئێستادا نمونە لەسەرجەم ئەو كەسانە وەردەگیرێت كە سەردانی نەخۆشخانەكان دەكەن بۆ ئەوەی دڵنیابینەوە لەوەی كۆلێرای نییە، باسی لەوەشكرد:”خۆشبەختانە تاوەكو ئێستا هیچ نەخۆشیەكی كولێرا لەشارەكە بوونی نییە “. 
دكتۆر بورهان عومەر، ئاماژەی بۆ ئەوەشكرد:”ئەو ئەنفلۆزایانەی ئێستا بوونی هەیە نەكەوتۆتە ئەو رێژەیەی بڵاوببێتەوە و تەشەنە بكات، بەڵكو بەرێژەیەكی زۆر كەمە”،  وتیشی:”هەماهەنگیمان هەیە لەگەڵ قوتابخانەكان بۆ ئەوەی لە هەر حاڵەتێكی لەو جۆرە ئاگادارمان بكەنەوە”.  


‌ 739 جار بینراوه‌
3/31/2018 7:39:50 PM
Print Friendly and PDF
بابەتی زیاتر ...
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved