»  شۆک
گەنجێك لە كەركوك دەكوژرێت




لە شاری كەركوك تەقە لە گەنجێك كراو دەستبەجێ گیانی لەدەستدا، بەوتەی سەرچاوەیەكی پۆلیسیش، بكوژی گەنجەكە بەرەو شوێنێكی نادیار هەڵهات
ئێوارەی 26/3/2018، لەبەردەم قوتابخانەی پیرەمێرد لە گەڕەكی ئازادیی شاری كەركوك، لەناو ئۆتۆمبێلێكەوە تەقە لە گەنجێك كرا و دەستبەجێ گیانی لەدەستدا
سەرچاوەیەك لەبنكەی پۆلیسی ئازادیی وتی: كوژراوەكە گەنجێكە بەناوی (حەمزە عەلی) و پاسەوانی قوتابخانەی پیرەمێردبووە لە گەڕەكی ئازادی، حەمزە لەكاتی چاوەڕوانیكردندا بووە بۆ ئۆتۆمبێل، ئۆتۆمبیلێك بەپەلە هاتووە تەقەی لێكردووە و هەڵهاتووە، دەستبەجێ حەمزە گیانی لەدەستداوە
بەم روداوەوە لەم مانگەدا لە كەركوك 2 كەس كوژراون و 4 تەرمیش دۆزراونەتەوە كە بەفەرمی راگەیەندراون ئەمە جگە لەو روداوانەی بەهۆی بۆمب و نارنجۆكەوە كە لەناوشار خەڵك برینداربوون و لە سنوری باشووری پارێزگای كەركوكیش خەڵك و هێزە ئەمنیەكان روبەروی كوشتن و رفاندن و برینداركردن دەبنەوە.


‌ 640 جار بینراوه‌
3/31/2018 8:54:39 PM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved