»  کوردستان
بارزانی قەرزەكانی (كاكە حەمە) ش لە كەركوك دەداتەوە


پارتی بەشێك لە لایەنگرانی لە كەركوك ئاراستە دەكات دەنگ بدەن بە لیستی حیزبی سۆسیالیست بە سەرۆكایەتی حەمەی حاجی مەحمود، بەرپرسی ئەو حیزبەش لە كەركوك ئامادە نییە لێدوان لەو بارەیەوە بدات.
بە پێی ئەو زانیارییانەی لە ناو حیزبی سۆسیالستەوە دەستی (هەواڵ) كەوتوون پارتی دیموكراتی كوردستان كە تەنها لە شاری كەركوك بایكۆتی هەڵبژاردنەكان دەكات، ئاراستەی كادرو بەشێك لایەنگرانی كردووە كە دەنگ بە لیستەكەی حەمەی حاجی مەحمود بدەن كە سەرەڕای ئەوەی خۆی لە كەركوك كاندید نییە، بەڵام وێنەكانی لەسەر پۆستەری حیزبەكەی هەیە.
هەرچەندە تا ئێستا هیچ سەرچاوەیەكی رەسمی هەواڵەكەی پشتڕاست نەكردۆتەوە، بەڵام پارتییەكانی كەركوك بە ئاشكرا دەڵێن ئێمە دەنگ بە سۆسیالیست دەدەین، هێمن هەورامی ئەندامی سەركردایەتی پارتی بۆ كەناڵێكی حیزبەكەی وتوویەتی “ نایەڵین دەنگەكانمان لە كەركوك بفەوتێت”، یەكێك لە كاندیدەكانی سۆسیالیستیش لە لێدوانێكی نافەرمیدا بۆ ژمارەیەك هاوڕێی خۆی وتبووی كە بەدەنگی پارتییەكان دەردەچێت و سەرانی حیزبەكەش باس لە سوپرایز دەكەن لە كەركوك.
هەواڵ پەیوەندی كرد بە رەسوڵ رەئووف بەرپرسی مەڵبەندی شەشی كەركوكی حیزبی سوسیالیست دیموكرات، بەڵام ناوبراو ئامادە نەبوو لێدوان لەو بارەیەوە بدات.
پێشتریش پارتی بڕیاری داوە بەشێك لە دەنگەكانی كەركوكی بدا بە یەكگرتووی ئیسلامی، بەوەش تا ئێستا پارتی قەرزی هەڵوێست و پشتگیرییەكانی دووەمین حیزب لە كوردستان لەسەر حیسابی كەركوكییەكان دەداتەوە.  

‌ 1473 جار بینراوه‌
4/20/2018 11:07:02 PM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved