»  پەڕەموچ
چراخانی شیعری جوان .. ماڵاوا




كەژال ئیبراهیم خدر ژنە پڕ لە بەهرەكەی شاری قەڵادزێی كوردستان، لە بەهاری ساڵی 1968 لەدایكبووەو تەمەنی منداڵی لە قەڵادزێ بەسەر بردووە، هەر لە سەرەتای ژیانیدا بێ باوك بووە. دواتر لە سلێمانی گیرساوەتەوەوو بۆتە فەرمانبەر لە دواناوەندی پیشەسازی سلێمانی، خاوەنی چەندین دیوانە شیعری جوان و پاراوی كوردییە ، بەشداری لە چەندین میهرەجانی شیعری كوردی كردووە، خاوەنی زیاتر لە (70) میدالیاو خەڵاتی جۆراوجۆرە، لەسەر دیوانی قەڵادزێ پلەی یەكەمی هێناوە كە لە وەزیری رۆشنبیری عێراق وەریگرتووە، لە فیستڤاڵی شیعری لە وڵاتی میسر ریزبەندی شەشەم بووە. جگە لەوەش چەندین رێزنامەی لە زۆربەی وڵاتانی عەرەبی لە پێشبركێی شیعری پێ بەخشراوە.
لەكۆی هەموو ئەو بەشداربوونانە (20) جار پلەی یەكەمی وەرگرتووە، (35) جار لە پلەی دووەم بووەو (18) جار لە ریزبەندی سێیەم و (12) جاریش ریزبەندی چوارەم بووە. خاوەنی (21) دیوانە شیعرە كە هەر هەمووی لەسەر خەرجی و ئەركی تایبەت بەخۆی لەچاپدراون. 
چەندین هۆنراوەی وەرگێردراوەتە سەر زمانی عەرەبی و فارسی و لاتینی (ئیسپانی)و هاوكات هەندێك لە قەسیدەكانی وەرگێردراونەتە سەر زمانەكانی ئەڵمانی و فەرەنسی و رووسی و ئینگلیزی، چەندین تێزی دكتۆراو ماستەرنامەی لە زانكۆكانی كوردستان هەبووە.
لە 24ـی نیسانی 2018 بەر لەوەی تەمەنی (50) ساڵی تەواوبكات بەكتوپڕ دڵە جوانەكەی لەلێدان كەوت و بەدەم نمنمەی شیعرەوە جێی هێشتین و لەشارە جوانەكەی سلێمانی دوعاخوازی یەكجاری لە هەموو دۆست و خۆشەویستانی كرد.

“كە شاعیرێك دەمرێ
ئەستێرەبریندار دەبێو
هەور سەری پڕ دەبێ لەسەرێشەو
باخچە بێ تەكبیرە،
بۆ رەوانبێژی گوڵێك...
رەشەبا بەلەتێ قاچەوە
بەگیا دەڵێ: 
تۆ ئیتر بەپیری لەدایك دەبی..  
گیاش بە باڵندە دەڵێ: 
پۆزش بۆ فرین بهێنەرەوە
ئاسمان چاویلكەكەی ونبووە!!” 

رۆژ هەڵەبجەیی

‌ 334 جار بینراوه‌
4/27/2018 11:20:58 PM
Print Friendly and PDF
بابەتی زیاتر ...
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved