»  کوردستان
بە هۆی نەگەڕانەوەی خەڵكەكەی سنوقی دەنگدان لە رەشاد دانەنراوە



سێ بنكەی دەنگدان لە قەزای حەویجە دادەنرێت و بە وتەی ئەندامێكی ئەنجومەنی قەزاكەش، لە هەندێ شوێنی دەوروبەری قەزاكە سنوق دانانرێت، لەبەر ئەوەی خەڵكەكەی نەگەڕاونەتەوە.
ئەحمەد خورشید، ئەندامی ئەنجومەنی قەزای حەویجە، لە لێدوانێكیدا بۆ (هەواڵ)، رایگەیاند:”سنوقی دەنگدان بۆ هەڵبژاردنەكانی ئەنجومەنی نوێنەران لە قەزای حەویجەش هاوشێوەی شوێنەكانی دیكەی عێراق دادەنرێت”، ئەوەشیخستەڕوو:” بەڵام لە چەند شوێنێكی دیكەی دەوروبەری حەویجەو ریاز دەیانەوێت سنوقی دەنگدان دابنێن، ئەمەش لە كاتێكدایە ئەو ناوچانە تاوەكو ئێستا خەڵكەكەی نەگەڕاوەتەوەو كەسی تێدا نیە”. 
بەوتەی ئەو ئەندامەی ئەنجومەنی قەزای حەویجە،داویانكردوە ئەو شوێنانەی خەڵكی تێدایە ئاساییە سنوقی دەنگدان دابنرێت، بەڵام ئەوانەی هێشتا هاوڵاتیان نەگەڕاونەتەوە ئەوە با لە شوێنەكانی خۆیان دەنگ بدەن، هەروەها باسی لەوەشكرد:”لە حەویجە سێ بنكەی دەنگدان هەیە ئەو هاوڵاتیانەی گەڕاونەتەوە ناوچەكە دەتوانن لەوێ دەنگی خۆیان بدەن”.
ئەحمەد خورشید، ئاماژەی بۆ ئەوەشكرد:”ئەگەرچی تاوەكو ئێستا چەند رۆژێك ماوە بۆ دەستپێكردنی هەڵبژاردنەكان، بەڵام یەكلا نەبۆتەوە ئاخۆ سنوقی دەنگدان لە رەشاد دادەنرێت یاخود دانانرێت”.






‌ 310 جار بینراوه‌
4/27/2018 11:35:45 PM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved