»  شۆک
گەنجێك دەیەوێت پرۆژەی پترۆ-نەوتی خوێندكاران بۆ گەنجان تەرخان بكات
ئا / هاوار ستار




گەنجێكی كەركوكی لە هەوڵدایە پرۆژەیەك بۆ گەنجان و خوێندكارانی كەركوك و ئەوانەی پشت بە خۆیان دەبەستن بگەیەنێت بە حكومەتی عێراقی و لە ناوەڕۆكەكەیشیدا داوای تەرخانكردنی یەك دۆلاری هەر بەرمیلێك بۆ گەنجان و پرۆژەكانی تایبەت بەگەنج دەكات.

كارزان ئەنوەر رەئوف دانیشتوی شاری كەركوك و لەدایك بووی ساڵی 1990ی گەرەكی حەسیرەكەیەو دەرچوی پەیمانگەی تەكنیكییەو لە ئێستاشدا خوێندكاری زانكۆیە لە كۆلێژی یاسا.
*پرۆژەت بۆ گەنجی كاركەرو خوێندكار چییە ؟
-ئەم پرۆژەیە پێشتر هەبووە بە جۆرێك بە ناوی پترۆدۆلار و بڕێك لە پارەی پترۆدۆلار دەبوو تەرخان بكرێت بۆ هەر خوێندكارێك لە پەیمانگەو زانكۆكان، بەڵام ئەو پرۆژەیە یەكجار بەكار هاتوو و دواتر هەڵوەشێنرایەوە كە پەرلەمان و پارێزگار بەهەر هۆكارێك بووبێ لایان برد، بیرم لەوە كردەوە و دەبینی لە نێو كەركوكدا گەنجەكانمان زۆربەی بێكارن و كەئەچیتە زانكۆ و پەیمانگەكان دەبینی خەڵك بێ پارەیە و گەنج حەز ناكات نەخوێنێ یاخود دانیشێت لە ماڵەوە، هەر بۆیە هەستاین بە دانانی پرۆژەیەك بە ناوی (پرۆژەی پترۆ-نەوتی خوێندكاران) تابتوانین خزمەتێك بە گەنج و شارەكە بكەین و كە دواتر سودی زۆری دەبێت.
*پرۆژەی پترۆ-نەوتی خوێندكاران چییە ؟
-پرۆژەیەكە خۆی لە پێنج بڕگە دەبینێتەوە كە سودی بۆ گەنج و خوێندكاران هەیەو ئامانج لێی دابین كردنی برێك پارەیە بۆ ئەوانەی لە زانكۆ و پەیمانگەو دواناوەندین و هەروەها هاوكاریكردنی ئەو گەنجانەی ئیشی سەربەخۆ دەزانن و خاوەنی پرۆژەی بچوك یان گەورەشن،ناوەڕۆكی پرۆژەكە بریتیە لە :
1 -دەبێت یەك دۆلار لە هەر بەرمیلێك نەوت تەرخان بكرێت بۆ خوێندكارانی كۆلێژو پەیمانگەو دواناوەندیەكان لە شاری كەركوك و لە سەرتاسەری عێراقیشدا بە هەرێمی كوردستانەوە لەو نەوتەی كە دەردەهێندرێت و هەناردەی دەرەوە دەكرێت، تا هەموو خوێندكارێك سودمەندبێت لێی بێ جیاوازی نەتەوەكان.
2 -دەبێت سەنتەرێكی گەشەپێدان دروست بكرێت بۆ خوێندكاران لە هەموو پارێزگاكانی عێراق بە تایبەتی لە شاری كەركوك كە خاوەن یەدەكێكی نەوتی زۆرە و 35%ی نەوتی عێراق دابین دەكات، ئەم سەنتەرە بۆ كاری چالاكی دروست بكرێت لە بواری تەكنەلۆژیا و لەئاستی نێودەوڵەتیدا.
3 -بەشێك لەو بڕە پارەی پترۆ-نەوتی خوێندكاران دابین بكرێت بۆ ئەو كەسانەی لە زانكۆو پەیمانگە نیازی هاوسەرگیریان هەیە.
4 -هەر خوێندكارێك لە ئاستی زانستیدا نمرەی بەرز بێت و كەمترین نمرەی 85% و بەرزترین 95 بۆ 100 بێت دەبێت رەوانەی دەرەوەی وڵات بكرێت و بە ئاستێكی بەرز بگەڕێتەوە لە ژێر چاودێری زانكۆ و پارێزگاكە بێت و خوێندنەكەی لەدەرەوە بە پارەی پترۆ-نەوتی خوێندكاران بێت.
5 -هەر خوێندكارێك بۆ هەیە لە بواری وەبەرهێنان كار بكات، بۆ نمونە لە بواری تەكنەلۆژیا یان كشتوكاڵ یان هەر پرۆژیەكی سودمەند و بتوانێت وەبەرهێنەربێت دەبێت قەرزی بچوكی پێبدرێت.
*ئەو پرۆژەیەی تۆ زیاتر جەخت لەسەر خوێندكار و دەرچوو دەكەیتەوە، ئەی چیت هەیە بۆ ئەو گەنجانەی خاوەن بڕوانامە نین و ئیشێك و پرۆژەیەكی سەربەخۆ دەزانن ؟
-ئێمە لە برگەی دووەم و پێنجەم دەتوانین هاوكاری ئەو گەنجانەش بین كە خاوەنی بڕوانامە نین و یاخود لە خوێندن دابڕاون و خوێندكار نین، بەڵام لە بوارێكدا زیرەكن بۆ نمونە مۆبایل و كۆمپیوتەر چاكردنەوە هەر بۆیە لە سەنتەری گەشەپێدانەكەو قەرزی بچوكەكە دەتوانێت سودمەند بێت و لە ئاستی نێودەوڵەتی كارەكەی پەرە پێبدەین.
*پەیامی چیت هەیە بۆ گەنجان ؟
-پەیامی من ئەوەیە و داوایان لێدەكەم هەر گەنجێك خۆی خۆی دروست بكات با واز لەوە بێنین بچینە لای ئەم حزب و ئەو لایەن و بە دوای دامەزراندن بكەوین، نمونە وڵاتێكی وەك سویسرا بە هەموی 750 كارمەندی هەیە واتا ئەوانی دی هەمووی پشتی بە ئیشی تایبەتی و كەسیی بەستوەو ئێمەش دەتوانین وابین و داواش لە گەنجان دەكەم پشتگیری خۆیان و ئەم پرۆژەیە بكەن.




‌ 165 جار بینراوه‌
5/8/2018 7:26:19 PM
Print Friendly and PDF
بابەتی زیاتر ...
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved