»  پەڕەموچ
ماچت دەخۆمەوە
رووبار زەنگەنە


چیت داوە لە عەشقی ژنێكی پایز
چێژ لە وەرزی رووتبونەوە مەبینە
وەرە با تەڕتكەم بە نەرمە بارانێ 
چەتری دڵت هەڵنەكەی
ئەوین بەچاوی خۆت ببینە
مەگەر هێشتا نەتزانیوە
لە ئاستی تۆ ئاگرێكم
بە نیگایەكی سارد و سڕت دەتوێمەوە
لەمڕۆوە داوا دەكەم دەرگای مەیخانەكان داخەن
بێ هۆشی ئەو ساتانەیە كە قومێ ماچت دەخۆمەوە
ئادەی وەرە و ژەهری ڕابردووتم پێشكەشكە 
لەنێو فینجانێ قاوە
بالەگەڵ شیعرێكی شەوانی بێداریمدا بینوسمەوە
وەرە با سوجدەی عەشقت بۆ بەرم
نییەتی نوێژی وەفات لێ بێنم 
وا بووم بە مورێدێ زیكری تۆ دەڵێمەوە
گەر تۆ دۆزەخی ئەم دونیام بییت
چش لە بەهەشت 
با هەر بسوتێم و بسوتێم و بتلێمەوە

‌ 572 جار بینراوه‌
5/19/2018 1:37:35 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved