»  کوردستان
 لە كەركوك ئاوڕ لە پێداویستییەكانی سەنتەری شێرپەنجە نادرێتەوە



/رۆژانە زیاتر لە سەدو پەنجا نەخۆش لە سەنتەری شێرپەنجەی كەركوك چارەسەر وەردەرگرن،  بەڕێوەبەری سەنتەركەش دەڵێت:” 50% ـی  پێداویستییەكانی سەنتەرەكە پڕ نەكراونەتەوە”.
دكتۆر نیاز ئەحمەد، بەڕێوەبەری سەنتەری نەخۆشی شێرپەنجە لە كەركوك لە لێدوانێكیدا بۆ (هەواڵ) رایگەیاند:” رۆژانە لە 100 بۆ 150 نەخۆش لە سەنتەری شێرپەنجەی كەركوك چارەسەر وەردەگرن، ئەو نەخۆشانەشی لە سەنتەركە دەمێننەوە بە بەردەوامی بۆ وەرگرتنی چارەسەرەكانیان ژمارەیان (40 بۆ 50) نەخۆش دەبێت “، ئەوەشیخستەڕوو:” بەداخەوە زیاتر لە 50% پێداویستیەكانی سەنتەرەكە پڕ نەكراوەنەتەوە”. 
بەوتەی بەڕێوەبەری سەنتەری نەخۆشی شێرپەنجە لە كەركوك، دەرمان و ئامێرەكانی تاقیگە كە پێویستییەكی گرنگن بۆ سەنتەرەكە، بەڵام وەكو پێویست بۆی دابین نەكراوە، باسی لەوەشكرد:”پێداویستیەكان زۆر زۆرن، بەڵام وەكو پێویست هیچیان جێبەجێنەكراوە”. 
هەروەها دكتۆر نیاز ئەحمەد باسی لەوەشكرد:”ئەو هاوكاری و كۆمەكانەی لە رابردوودا بۆ سەنتەرەكە كراون لە ئاستی پڕكردنەوەی پێداویستییەكان نەبوونەو وەكو پێویست نەتوانراوە بەردەوامی و پەرەی پێبدرێت”.






‌ 455 جار بینراوه‌
5/26/2018 1:49:07 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved